Ĉi-semajne, la esperantistoj de la tuta mondo perdis tre gravan majstron kaj verkiston: Claude Piron. Mortinta antaŭ du tagoj en la 22-a de januaro de 2008, Piron verkis en jardekoj 1970 kaj 1980 serion de romanoj kun pitoreskaj aspektoj: la ĉu-serion!

La ĉu-romanoj okazas en fantazia regiono de Eŭropo nomata Sanktavalo kun propra esperanto-dialekto. Por esti pli realisma, Piron publikigis siajn romanojn sub la nomo Johán Valano, speco de denaska sanktavala rakontanto kies nomo eĉ obeas la lokan dialekton.

Kiel en la aliaj romanoj, ludas rolon en ĉi tiu historio la geedzoj Jano kaj Ĝoja Karal, policisto kaj psikologino, laŭorde.

La kovrilo ne permesos, ke mi kaŝu la veran specon de ĉi tiu romano: ĝi estas erotika policromano ja. La historio temas pri juna futbalisto Ĝim Juga, kiu havas grandan problemon en sia vivo. Li kredas, ke neniam sukcesos amori kun virino sen vundi ŝin pro siaj fizikaj karakteroj: peniso 48-centimetroj-longa kaj 6-centimetroj-dika. Tia vivproblemo instigas lin serĉi Ĝojan por sin trakti psikologie.

Paralele al la amorila dramo de Ĝim, okazadas en Sanktavalo serio de murdoj de virinoj pro seksaj kialoj kiun Jano devas solvi. Ĉu Ĝim rilatas? Mistero: legu la libron kaj sciu.

Tre agrabla legaĵo kun tre elegante detalitaj seksoscenoj far la genio Claude Piron, kiu ja kaŭzos saŭdadon en siaj legantoj.

Legenda libro (evidente, se vi ne ŝokiĝas pro seksaj temoj)!

Kurizaĵo: Johán Valano iĝis Johán Balano ĉi-romane pro tio, ke Balano ankaŭ signifas glano.

"Ĉu li venis trakosme?" estas parto de serio de polic-romanoj verkita de Claude Piron en jardeko 1970 kaj 1980.

Piron kreis imagan regonon (Sanktavalo) ie en Eŭropo kaj atribuis al la personoj certajn lokajn karakterojn tre kompetente.

La loĝantoj de Sanktavalo parolas interesan esperantan dialekton kun du rimarkeblaj karakteron: la ekzisto de kelkaj ekskluzivaj lokaj vortoj kaj forigo de lasta vokalo kelkfoje en substantivo kaj uzo de akuta supersigno super la nova lasta vokalo (mistero -> mistér). Iom aŭdaca ŝanĝo en la e-fundamento, sed interesa por la realismo de la historio.

Post tiuj informoj, eblas scii, ke Johán Valano estas loĝanto de tiu regiono.

En ĉi tiu romano, Rikardo Ospaci, fama ĵurnalisto de urbo Valĉefa, sin ĵetas en politikan karieron per partio iom kurioza, kiu bredas en la publiko la ideon pri baldaŭa kontakto de la homaro kun la eksterteranoj.

La tragika morto de Rik Ospaci kaŭzas en la polico, la spionaj kaj konstraŭspionaj agentejoj grandan scivolon pri la motivo de ties morto. Jano Karal, policdetektivo en Valĉefa, prenas al si la taskon solvi la kriman misteron kaj ricevas helpon de sia edzino Ĝoja, la psikologistino, kaj sia nevo Stefano, la studento.

Paralele, la leganto povas akompani aliajn personajn konfliktojn inter la roluloj.

Tre bona romano originale verkita en esperanto kiu allogas la leganton de la unua ĝis la lasta paĝo.